Внимавајте и проверувајте – Дезинформации се пласираат на секој чекор од наслов до текст (видео)

532

Дезинформациите се најчестата форма на медиумска манипулација. Тие се подгрупа на пропаганда и се лажни информации или информации извадени од контекст.
Нивното ширење е многу лесно, речиси заразно, затоа што најчесто си поигрува со чувствителни елементи, кои лесно ја надразнуваат човечката природа. Голем дел од нив се кои се шират намерно,со цел да ја заматат реалната слика.

Во земјава, за жал, постојат медиуми, особено портали, чија главна цел е да шират дезинформации за одредени цели. Одредени ситуации и намерно се вадат од контекст или се ставаат во одреден контекст за да допрат до публиката за која е наменета содржината, како во примерот од скечот, каде мајмунчето наоѓа заштитна маска на улица. Постојат две страни на кои е поделена публиката, темата е актуална и чувствителна и порталот лесно може да манипулира со насловот и содржината.

Понекогаш дезинформациите не се намерни. Обидувајќи се да бидат навремени или први во известувањето, медиумите ја презентираат првичната слика од некое случување, која не е целосна или води до погрешен впечаток.

Вистинските новинари и портали не се занимаваат со дезинформации. Дури и на сметка на актуелноста на содржината, тие прво ги проверуваат фактите и сите засегнати страни во приказната, па дури потоа ја објавуваат содржината. Доколку содржината е временски сензитивна и мора да се објави веднаш, наведени се деловите кои се сѐ уште шпекулативни или неофицијални.

Во видео „Тес квиз за вработуванје“ од проектот „Медиумска диверзија“ кое може да се виде ТУКА на комичен начин се претставени ситуации кои некогаш и некаде се најдени по македонските портали. Начинот на претставување, како квиз на квази – новинари за тоа кој ќе успее најдобро да создаде дезинформација, е само начин на претставување како отприлика се создаваат извесни содржини – дезинформации. Правописните грешки во насловот се намерни, за да се прикаже и неписмените моменти кои се присутни во ваквиот вид текстови, а по кои и најлесно може да се забележи дека станува збор за недоверлив извор.

Особено во остро поделени групи, како партиски припадници, вакцини и слично, може лесно да се пушти текст, со цел да ги подгрее страстите. Тој текст не може да се декларира како новинарски, затоа што основната цел не му е да информира. Речиси секогаш му фалат и основните елементи на вест, како автор/новинар, извор, изјави од повеќе вклучени страни…

Секогаш да се прима информација со доза на резерва пред да се проверува или сподели.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.