Јавното обвинителство засега го утврдил идентитетот на три лица кои учествувале во вчерашното подигање на мртвото тело на 49 годишниот струмичанец од Инфективното одделение од Струмица. Според обвинителството немало насилство ниту, пак, кршење или уништување на инвентарот или на медицинската опрема.
Како што информираше портпаролот на ЈО – Елизабета Недановска откако биде утврден идентитето на сите лица и ќе ибде соберена потребната документација ќе биде поднесена кривична пријава најверојатно за непостапување по здравствени прописи, затоа што со подигањето на телото е постапено спротивно прописите
Од СВР Струмица за вчерашниот настан денеска информираа дека лекар од Инфективното одделение при струмичката болница пријавил дека околу 09:30 часот кај нив е донесен пациент Џ.Р.(49), кој за кратко време потоа починал.
„Според пријавеното, откако биле известени најблиските на починатиот и од персоналот им било напоменато дека е можно да бил инфициран од вирусот Ковид-19, тие почнале да се однесуваат агресивно и го навредувале персоналот, по што влегле во објектот на Инфективна болница и заедно со креветот го изнеле надвор од објектот, а потоа го ставиле во патничко возило со кое заминале“, информира полицијата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
