Објавена е комплетната програма на второто издание на настанот Get EXITed во прекрасниот градски парк Струмица. EXIT и општина Струмица подготвуваат спектакл за 7 септември, предводени од Џон Њуман, Бурак Јетер и Конструкта, а сега им се придружуваат и Ван Гог, оркестарот Џамбо Агушеви, Лана и The Geors.
За време на маратонската забава, овие одлични изведувачи ќе им донесат на посетителите најразлични звуци – од соул, поп и рок, до најголемите светски хитови, до светска музика и техно! Струмица Get EXITed е во организација на тимот на EXIT во соработка со општина Струмица, влезот е бесплатен, додека за посетителите кои сакаат да го искусат овој голем настан на посебно ниво, ВИП влезниците се пуштени во продажба по промотивна цена од 3.100 МКД ( 50 евра).
Суверената поп/соул ѕвезда Џон Њуман, турскиот продуцент, хитмејкер и диџеј Бурак Јетер и еден од најпосебните музичари на нашите простори Констрактa ќе се сретнат на 7 септември во исклучително друштво на колеги од регионот! Квалитетната гитарска страна на настанот Get EXITed ќе ја предводат рок ветераните од регионалната сцена, бендот Ван Гог.
Македонскиот оркестар Џамбо Агушеви е по потекло од Струмица, а денес е еден од најдобрите трубачки ансамбли на Балканот. Првото аудио издание за меѓународниот пазар го објавија во 2016 година, што беше важен чекор во трасирањето на патот на овој бенд до светската сцена, додека во 2020 година беше издаден вториот албум, насловен „Brasses For the Masses“ за реномирана Германска издавачка куќа.
На овој настан Get EXITed ќе се појават и извонредни млади женски уметници од областа на електронската музика, вклучувајќи ги Лана и The Geors. Лана е продуцент и диџеј од Нови Сад, една од најперспективните млади надежи на електронската сцена.
Георсите се македонско мелодиско техно дуо составено од две сестри близначки – Патриција и Андреа Геор. Своето патување во светот на електронската музика го започнаа во 2015 година, а освен во родната Македонија, досега имаат настапувано и во Швајцарија, Грција, Албанија, Бугарија
Со седум извонредни изведувачи, меѓу кои Џон Њуман, Бурак Јетер, Конструкта, Ван Гог, Оркестарот Џамбо Агушеви, Лана и The Geors, второто издание на Get EXITed ветува необично разновиден музички настан на кој сите се добредојдени! Влезот е бесплатен, додека за посетителите кои сакаат да го доживеат овој голем настан на посебно ниво, ВИП влезниците се во продажба по промотивна цена од 3.100 денари (50 евра). Струмица Get EXITed е во организација на тимот на EXIT во соработка со општина Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
