“GetExitEd“ забавата во Струмица на 7 септември, и годинава познати музички имиња и бесплатен влез !

1276

И годинава ќе се одржи “GetExitEd“ настан во Струмица. Така најави првиот човек на Струмица Костадин Костадинов на својот  ФБ профил, откако денеска со основачот на “Exit“, Душан Ковачевиќ разговарале за потенцијалот и можностите за унапредување и развој на овој настан.

,,На 7 ми Септември, нашиот град повторно ќе биде домаќин на фестивалската програма која ќе понуди регионални и светски познати музички ѕвезди и имиња. Како предводник на Општина Струмица, одовде, од Нови Сад, сакам да посочам дека и оваа година ќе се потрудиме и максимално ќе се вложиме овогодинешниот музички хепенинг повторно да звучи грандиозно и да се чуе надалеку“, објави градоначалникот на Струмица Костадин Костадинов кој е во неколкудневна посета во Србија.

Првиот потврден уметник е ненадмината Констракта, а наскоро доаѓаат и други меѓународни и регионални имиња, стои во објавата на Exit од каде информираат дека во Струмица  се спрема  најголемата есенска забава која долго ќе се памети  а влезот ќе биде  бесплатен  за сите посетители! 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.