Во Струмица средношколци ги презентираа своите иновативни решенија за предизвици поврзани со климатските промени и заштита на животната средина. Станува збор за саем кој го организираше здружението Лидери за едукација активизам и развој ЛЕАД од Скопје во соработка со УНИЦЕФ кој имаше за цел да ги престави конкретните идеи и проекти на младите за подобра животната средина.
Средношколци од Крушево предложија од отпадното масло од угостителските објекти кое се фрла во канализации да се произведуваат миризливи сапуни. Во училишната лабараторија тие веќе го тестирале целиот процес како дел од решенијата за почиста животна средина.
Учениците од „Ѓорѓи Наумов“ од Битола понудија решение како да се сузбие мувлата во јавни простори која може да предизвика и болести. Предраг Киров го објасни целиот процес кој ќе работи на соларна енергија за да го прочистува воздухот.
Средношколци од Демир Хисар пак со решение како да се оптимизира наводнувањето на земјоделски површини во услови на суша. Станува збор за дигитално решение со цел да се минимизраат загубите од вода.
Сите иновативни решенија креирани преку UPSHIFT програмата може да најдат примена и во реалниот сектор беа децидни од здружението ЛЕАД . Од таму кажааа дека со нивната примена не само што се отвора социјален бизнис туку се придонесува и за заштита на животната средина.
UPSHIFT е програма за социјални иновации која ги поттикнува младите активно да идентификуваат проблеми, да размислуваат критички и да развиваат решенија со реална примена. Програмата се реализира во партнерство со УНИЦЕФ и Бирото за развој на образованието и предвидува социјалните иновации да бидат изборен предмет во гимназиското образование од следната учебна година.(М.К)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
