Министерството за внатрешни работи информира дека утре, 23 јуни, ќе биде воведен изменет режим на сообраќај на експресниот пат А4 Штип – Радовиш, поради изведување технички активности.
Како што соопшти МВР, изменетиот режим ќе важи во периодот од 05:00 до 09:00 часот, на делницата од клучката Софилари до клучката Долани.
Во наведениот период, полициски службеници од Полициската станица за безбедност на патниот сообраќај Штип ќе го пренасочуваат сообраќајот по регионалниот пат Р1204 Штип – Радовиш.
Од Министерството апелираат до сите учесници во сообраќајот да ги почитуваат наредбите и насоките што ќе ги даваат полициските службеници, како и да се придржуваат кон сообраќајните правила, прописите и поставената сообраќајна сигнализација.
Целта, како што посочуваат од МВР, е да се обезбеди безбедно и непречено одвивање на сообраќајот за време на изведувањето на активностите. објави Скопје1.мк
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
