Пандевци славеа против Борец и остануваат во Прва лига, во среда за КУП титула и излез во Европа

986
dig

Фудбалерите на Академија Пандев обезбедија директен опстанок во Првата фудбалска лига на Македонија и следната првенствена сезона ќе биде во елитата. Во рамките на последното првенствено коло, славеа победа со 3:1  против Борец од Велес за кој денешниот меч немаше резултатско значење.  Манев и Миловановиќ кој постигна 2 гола, беа стрелци на головите за пандевци кои оваа сезона играа доста променливо и постојано беше во вториот дел од табелата.

Годинашново првенство Академија Пандев го завршија на  7 позиција со вкупно  41 бод или  12 победи 5 нерешени исхода и 16 пораза.  Во вкупно 33 кола постигнаа 32 а примија 36 гола.

Сега мислите ги насочуваат кон големото финале од фудбалскиот КУП кој ќе се одигра во среда. За противник го има Силекс од Кратово. Струмичани со евентуална победа во финалето од Купот по вторпат ќе излезат на европската фудбалска сцена.

Инаку по завршување на ова првенствена сезона Шкендија е шампион а во Европа излегуваат и тимовите на Шкупи и Струга. Од Првата лига испаѓаат Беласица и Вардара а за опстанок бараж ќе играат Силекс и Ренова

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.