Струмичките одбојкарски прволигаши Струмица Жени и Наковски Волеј со победи во од Купот ја стартуваа ова 2021 година. Во рамките на осминафиналните мечеви од ова натпреварување, овие два тима забележаа победи и обезбедија пласман во четвртфиналето за освојување на КУП титулата.
Струмица Жени славеше против градскиот ривал Македонија Макс со 3:0 во сетови. Девојките на Атанас Милев и Вера Божијанова Димитриевска не дозволија изненадување на свој терен. Со 25:23, 25:17 и 25:21 Струмица Жени го скрши отпорот на Макс.
Проблеми немаше ниту Наковски Волеј кој дома го надигра УГД Студент жени од Штип со 3:0 и се најде во кругот на најдобрите 6 екипи на кои во четвртиналето ќе се приклучат Вардар жени 2019 и Јанта волеј Кисела вода.
Пласман во четвртфиналето од Купот не успеа да обезбеди четвртиот струмички тим ОК Виктори Волеј кој претрпе пораз на гостувањето кај Пелистер Волеј во Битола
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
