Испраќаме позитивна енергија велат од “One Way Dance Studio“ од Струмица кое објави видео со нова кореографија (фото)

1949

Со нашата игра и видеата кои ги пласираме на јавноста сакаме да испратиме позитивни чувства, енергија. Вака велат од студиото за модерен танц “One Way Dance Studio“ од Струмица кои деновиве објавија кусо видео со нова кореографија на младата Јана Мицева – членка во студиото на чија иницијатива се изработи и видеото за да може јавноста да ја почуствува пораката на овие млади кои во услови на криза со ковид-19ја пренесуваат маѓијата на танцот. Видеото со хип хоп перформансот направен на спомен костурницата над Струмица можете да го видите ТУКА 

,, Сакаме танцот да се почуствува и да предизвика само позитивни чуства длабоко во сите нас а таа позитивна енергија да ја пренесеме и околу нас,, велат младите двојчиња од студиото кои вече три години работат напорно и се дел од повеќе културни манифестации во Струмица а беа дел и од повеќе натпреварувања

“One Way Dance Studio“ од Струмица се отвори во септември 2017. Во моментов бројот на активните членови брои околу стотина од сите возрасти. Корона кризата имаше рефлексија и врз работењето на ова студио но со почитување на мерките и протоколите за заштита, се работи на нови кореографии што може да се види и од нивната ФБ страна

,,Од наша страна сите прописи беа и ќе бидат запазани до крајот на оваа ситуација, кој никој не ја посакуваше. Но, за жал стана секојдневие, моја задача како сопственик и тренер, пред се пример за помладите е да се прилагодам на сите услови и од нив да извадам максимум, односно во целата ситуација студиото да работи непречено, каде физичкото и менталното здравје на секој член ќе биде зачувано и секогаш на прво место. Секако дека сме отворени за нови членови, бројот на членови никогаш не било ограничено. Доколу групата е пополнета со максималниот број на места, се создаваат услови да биде отворена нова група,, ни изјави Панче Димов од студиото

“One Way Dance Studio“ од Струмица за неполни три години се наметна како сериозно студио каде професионализмот е во прв план. Имаат учествувано на голем број на натпревари, семинари во земјата и странство.

,,Покрај секојдневната работа на кореографии, вежбање, како и нивно совладување посветени сме и на едукација, доградување и секогаш учење нешто ново, за таа цел посетуваме семинари. За поттикот да е постојано тука и самата таа култура да се доближи до нашата младина и нашето опшество, го организираме Artist Hub Dance Comeptition настан со гости од десет различни земји, светски познати кореографи и инструктори кој го споделуваат нивното искуство и знаење со нашата танцова заедница,, кажа Димов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.