Во недела, на 13.11.2022 година, во организација на општина Василево, во с. Градашорци, во дворот на црквата Св. Никола, со почеток во 11,00 часот ќе се одржи манифестацијата Ден на празот. Присутните ќе имаат единствена можност да дегустираат специјалитети од праз и да уживаат во содржини од културно забавен карактер.
Според Програмата, свое обраќање на Манифестацијата ќе има градоначалникот на општина Василево Славе Андонов а во културно забавниот дел со свои изведби ќе се претстават учениците од двете основни општински училишта „Гоце Делчев“ од Василево и „Атанас Нивичански од Нова Маала како и Културно уметничките друштва „Сушевски бисери“ од с. Сушево и КУД „Цветови“ од с. Дедино.
„Задоволство е заедно со Next Time да Ве поканиме на манифестацијата ,,Ден на празот” на ден 13.11.2022 (недела), 11 часот во Градашорци, заедно да уживаме во нивната изведба на наши македонски песни и секако во специјалитетите од праз подготвени од рацете на нашите вредни домаќинки “, упати отворена покана преку социјалните медиуми градоначалникот на општина Василево Славе Андонов, по денешната средба со Next time, задолжени за забавниот дел од Манифестацијата „Ден на празот“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
