„Ракометот е нашата игра и нашиот свет“. Под оваа мото, утре во спортската сала Парк во Струмица ќе се одржи ракометен караван на кој екс тренерот од Струмица и човек кој го однесе струмичкиот ракомет во ЕХФ Ванчо Трендафилов, познатиот пикер на шампионот Кометал – Милева Велкова и тренерот со селекторско искуство – Никола Матлиевски ќе зборуват за убавините на овој спорт, нивниот ракометен пат но и зошто младите да бидат дел од овој спорт.
Караванот кој ќе започне во 12 часот и ќе трае до 13 часот и 30 минути има за задача да ги доближи вредностите на ракометот до најшироката публика, да создаде нови генерации љубители на спортот и да ја поттикне активната вклученост на младите во спортските активности и да се откријат нови ракометни таленти
Поканата важи за сите ученици, средношколци, млади но и возрасни од Струмица и регионот кои го сакат ракометот се со цел да се потикне нова генерација на ракометари од струмичкото поднебје кое досега има исфрлено доста звучни имиња преку Струмица, Супера, Зомимак, Астраион итн
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
