Премиерот Зоран Заев денеска во Струмица заедно со градоначалникот на општината Коста Јаневски, директорот на Комуналец Зоран Ѓеоргиев но и преставници од ТППЕ Струмица, СВР Струмица и Агенцијата за заштита и спасување извршија увид на штетата која е направена по пожарот кој синоќа го зафати ГТЦ Глобал .
Тој изрази жалење за страшната слика од остатоците на пожарот, кој зафатил продавници во приземјето и се проширил на првиот кат и пазарот.

„Секој ќе помогне на секој можен начин! Сите заеднички ќе помогнеме!“, рече премиерот ветувајќи помош и од институциите за санирање на материјалните штети.
Тој подвлече дека сега за Божиќните празници, сите граѓани и институции ќе покажат солидарност и заедништво и упати порака до оштетените граѓани дека веднаш уште утре, ќе се организира масовна солидарна и работничка акција за што поскоро да се врати животот на струмичани во нормала.
