Приведен жител од Радовиш, кој со БМВ возел по радовишкото шеталиште, објавено на Тик-Ток

1190

Приведен е 24 годишен радовишанец кој со возило поминал низ радовишкото шеталиште а тоа го објавил на социјалната мрежа Тик-Ток. Како што соопшти МВР тој на 30 ти декември со возило ,,бмв’’ поминал преку површина наменета за пешаци и постапил спротивно на сообрачајниот знак.

,,Во врска со случајот пренесен преку видео снимка објавена на социјалната мрежа „Тик-Ток”, во која едно лице влегува на плоштадот со своето патничко возило „БМВ“, ОВР Радовиш денеска во 15 часот во полициска станица Радовиш го приведе Т.К.(24) од Радовиш, кој бил идентификуван како возач на патничкото возило од снимката. Тој, на 30.12.2020 околу 22.00 часот на ул.„22 Октомври“, пред угостителски објект, со своето возило преминал преку површина наменета за пешаци (шеталиште) и постапил спротивно на поставен сообраќаен знак за ограничување на движење на возило’’, соопшти МВР

Полицијата информира дека по документирање на случајот, против него ќе бидат поднесени пријави.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.