ФК Триенген Македонија успеа да се пласира во четвртата лига од Швајцарското фудбалско првенство откако последната сезона во конкуренција на 10 екипи во групата 5 го освои првото место. На своето салдо прокнижаа 13 победи, 1 пораз и четири нерешни исходи и со 64 постигнати голови се наметна како тим кој може да се носи и во повисок ранг на натпреварување.
,,Во новата сезона главна цел ни е да останеме во 4 лига каде има 6 групи кои се распоредени по региони . Повторно ќе сме во конкуренција со 10 екипи. Ќе се обидеме да дадеме максимум и да разигруваме за третата швајцарска лига, но за тоа потоа,, велат од клубот
Најефикасни во ова натпреварувачка сезона беа Дончо Божинов со 15, Трајче Трајков со 12 голови, Стефан Недановиќ 9 пати стрелаше прецизно, Ристо Папучиев постигна 8 а Аце Атанасовски 4 голови.
Инаку боите на Триниген Македонија ги бранат играчи од повеќе места од Македонија. Од струмичко имаат од Сушица, Иловица, Куклиш, Зубово, Василево. Имаат фудбалери и од радовишките села Ораовица Јаргулица но и од Демир Хисар, Македонска Каменица, Оризари но и по едно дете од Србија и Хрватска
Во управата на клубот се Кире Гоцев, Бобан Николов, Павле Рујков, Ванчо Коцев и Живко Мицев.
,, Самиот квалитет и самиот потенцијал на екипата како и досегашниот постигнат успех за многу кратко време ни покажа дека сме на вистинскиот пат и дека со труд и дисциплина успехот за понатаму е загарнтиран,, велат од управата на ФК Триенген Македонија.
Инаку клубот е формиран пред три години од пет ентузијасти. Минатата натпреварувачка сезона беа 6 во петата лига но со сериозна работа годинава во конкуренција на 58 екипи пријавени во фудбалскиот сојуз на централна Швајцарија успеа да обезбедат пласман во четвртата лига
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
