Производителите на црвени пиперки од струмичко преку здружението “Млади Муртино“ бараат државна интервенција односно помош со оглед на катастрофално ниските откупни цени на крутовската капија оваа сезона. Како што информираат од Здружението, тие бараат интервенција од по 10 денари за килограм, односно 20 илјади денари од декар (според нив еден декар дава во просек 4 тони пипер пресметано по 5 денари) и 5 денари за предадено килограм кај откупувачи а основа да бидат кантарните белешки. Овие средства како што велат се надвор од субвенциите кои сеуште не се исплатени како по површина така и за предадени количини кај преработувачи.
„Се што имаме произведено принудени сме да го продаваме за 10-15 ден/кг поефтино од производствените цени а дел скапува на нива поради пребавната динамика на откупот на пиперката. Како градинари сме доведени во тотален финансиски колапс немајки средства да ја поминеме годината, а камоли да реинвестираме 70%-80% од приходите во нова реколта.“ велат од здружението
По струмичките откупни пунктови тешко оди откупот на црвената пиперка која полека привршува под пластениците. Земјоделците неколкупати протестираа изразувајки го своето незадоволство по струмичките улици. Едиснтвено барање им беше повисоки откупни цели или цени како ланската година заради зголемените трошоци. Кажаа дека пласманот на црвената пиперка под 25 односно 30 денари е неисплатливо и се во загуби. За решавање на проблемот во Струмица се појави и министерот Борче Серафимовски кој на 11 август соопшти дека е постигнат договор за откуп по цена од 40, 30, 15ден/кг за I, I-II/Индустриска и III класа кој не се почитуваше долго.
Протестите продолжија во Струмичко но повисоки откупни цени немаше. Сега незадоволството се префрли во Прилепско каде излегуваат количините на црвена пиперка на отворено. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
