Во рамките на ,,Босилово културно лето“, во недела на Денот на независноста 8 ми Септември во населеното место Турново ќе има кино проекција на филмот ,,Златна Петорка“ кој го отсликува животот и смртта на петте струмички студенти кои се залагале за самосотојна и независна Македонија. Приказната за петте млади струмички херои кои прерано и на кукавички начин беа убиени може да ја види секој.
Кино проекцијата ќе биде пред Домот на културата во Турново каде ќе биде поставен лед екран од 24 квадратни метри ( 8 x 3 m ) со професионално озвучување со почеток во 20 часот. На тој начин ќе биде одбележан и Денот на независноста а посетителите ќе имаат можност да се едуцираат за петте струмички студенти чии идеали биле независна Македонија .
Инаку овој филм е базиран на вистински настан од 1951 година и е во режија на Горан Тренчовски а во продукција на Револушн од Скопје. Досега има освоено повеќе фестивалски награди како во земјава така и во странство
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
