Борче Серафимовски од Свети Николе кадар на ЗНАМ досегашен државен секретар во МЗШВ ќе биде новиот министер за земјоделство шумарство и водостопанство. Тој ќе биде на местото на Цветан Трипуновски кој изминативе две години беше прв човек на Министерството но го водеше овој ресор и како дополнителен заменик министер во два наврати
,,Станува збор за човек кој ги обединува академското знаење, менаџерското искуство и практичното познавање на системот. Доктор е по организациски науки, магистер по меѓународни односи, дипломиран бизнис менаџер и дипломиран дефендолог, а во изминатите две години успешно ја извршуваше функцијата државен секретар во Министерството за земјоделство, шумарство и водостопанство. Она што за нас беше пресудно не се само неговите академски квалификации, туку фактот што доаѓа како човек кој веќе го познава системот, ги познава потребите на македонските земјоделци, ги разбира предизвиците со кои се соочува агросекторот и има капацитет веднаш да продолжи со реализација на започнатите политики. Уверен сум дека ќе ја оправда довербата што му ја даваме денес, исто како што тоа го направија и нашите досегашни министри“, рече лидерот на ЗНАМ Максим Димитриевски.
На веб страната на МЗШВ стои дека Сесрафимовски е роден на 17.05.1982 година а како работно искуство стои дека во периодот од 2004 до 2025 има работено на Меѓународен Славјански Универзитет Свети Николе а го познава англискиот, рускиот и бугарскиот јазик каде има учено на повеќе универизтети.
Образование
- Универизтет “Св.Кирил и Методиј” Скопје
Филозофски факултет
Институт за одбранбени и мировни студии
Додипломски студии
Дипломиран дефендолог
- Варненски Слободен Универзитет “Црноризец Храбар” Варна, Бугарија
Додипломски студии
Дипломиран бизнис менаџер
- Југозападен Универзитет “Неофит Рилски” Благоевград, Бугарија
Правно историски факултет
Магистерски студии
Магистер по меѓународни односи
- Великотрновски Универзитет “Св.Св.Кирил и Методиј” Велико Трново, Бугарија
Стопански факултет
Докторски студии
Докторант по организациони науки
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
