Општина Босилово и КПУ Затвор Струмица потпишаа Меморандум за сорабока што ќе значи и партнерство за подобра заедница. Меморандумот го потпишаа градоначалникот Ристо Манчев и директорот на затворот Зоран Риство . Ова партнерство значи имплементација на повеќе активности кои ќе значат работен ангажман и општокорисна работа на осудените лица кои издржуваат казна затвор во КПУ Затвор Струмица а со тоа ресоцијализација и стекнување на работни вештини на лицата.
Фокус е даден на хортикултурното уредување и одржување на зелените површини , одржување на јавната хигиена како и лесно ѕидарски и градежни работи за подобрување на локалната инфраструктура. Осудени лица денеска веќе беа на терен и рабтоеа. Едни чистеа, други ги уредуваа зелените површини, трети пак бојадисуваа огради.
,,Преку ваквите проекти, не само што директно придонесуваме за уредување и разубавување на Општина Босилово, туку даваме и активен придонес кон процесот на ресоцијализација, стекнување работни навики и успешна реинтеграција на осудените лица во општеството,, стои во објавата на двете институции
Целиот процес се одвива под максимално зголемен надзор и професионална координација од страна на припадниците на Затворската полиција и општинските служби, со што се гарантира целосна безбедност и ефикасност во работењето.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
