Ученици од Гоце Делчев од Василево и средношколци од Гевгелија – наградени за најдобри медиумски производи ! (ВИДЕА)

609

Учениците од ООУ Гоце Делчев од Василево – членови на медиумскиот клуб ,,Новинарски омнибус“ ја понесоа втората награда за најдобар медиумски производ на конкурсот што МИМ, МОФ и ИРЕКС го распишаа како дел од проектот на УСАИД зе медиумска писменост,, Младите размислуваат“.

Тие под менторство на професорот Томе Китановски го изработија видеото насловено како ,,Здравите навики се ин, од песимисти до спортисти“. Видеото кое е титлувано и на англиски ги освоија симпатиите на новинарите кои ги оценуваа најдобрите медиумски производи стасани од ученици од Основни училишта од Македонија.

,,Имаме доста планови за иднина на нашиот медиумски клуб од кој еден веќе реализираме а тоа е отворање на веб страна на нашата општина ,, кажаа од клубот „Новинарски омнибус“ при ООУ Гоце Делчев во Василево.

Во категоријата за средни училишта награда доби медиумскиот клуб ,,Јоска“ од средното училишта “Јосиф Јосифовски„ од Гевгелија. Тие ја освоија втората награда ја добија за интервјуата со познати личности што ги реализираа на својата веб страна на која работеа средношколците под менторство на професорот Тони Аврамов

Клуб „Јоска“ при СОУ „Јосиф Јосифовски“ од Гевгелија е новинарска секција која својата основна дејност ја насочува кон создавање мултимедијални содржини. (В.Трајков)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.