Условни казни за одговорните на Македонска радиодифузија во 2014 за хеликоптерската несреќа во Струмица

225

Условни казни од две и година и половина,  добија ексдиректорката на ЈП ,,Македонска радиодифузија’’ Јулијана Спировска и тогашниот технички директор Драгослав Радески  за хеликоптерската несреќа во Струмица пред осум години во која загинаа пилотите Драган Мицев, Марјан Трајковиќ, Тоде Орешков и Иљо Лопатачки. Казните се заради сторено кривично дело ,,Тешки дела против општата сигурност’’ додека ЈП ,,Македонска радиодифузија’’ е казнета со парична награда од милион денари.

Тие како одговорни лица необезбедиле осветлување на антенскиот столб во Струмица висок 120 метри за кој во текот на судската постапка и вештачењето се констатирало дека е една од причините за уривањето на  полицискиот хеликоптер ,,МИ 17’’ произведен 2008 та  со ознаки МАР 7712.

,,Јулијана Спировска доби условна казна од затвор од две години доколку делото не го повтори во наредните три години,  додека Драгослав Радески технички директор доби условна казна од 18 месеци доколку делото не го повтори во наредните две години,, соопштија од Основниот суд во Струмица каде изминативе три години траеше судската постапка

На пресудата, Јавното обвинителство најави желба за висината на исречените казни. Жалба најавија и осудените, според кои требало да добијат ослободители пресуди .

Хеликоптерската несреќа се случи на 10 јули 2014 тата околу 22 часот  кога четворицата пилоти со полициски хеликоптер ,,МИ 17’’ биле на ноќен тренажен лет од Скопје до Делчево при што требало да ги надлетат Велес, Валандово, Струмица и Берово. Во критичниот момент хеликоптерот со перките удрил во антенскиот столб кој се наоѓа во индустриската зона ,,Север’’ во Струмица по што се случи несреќата а четирите пилоти загинале на лице место.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.