Општина Дојран реализираше продажба на три градежни парцели во населбата Карач наменети времено сместување за фантастични 260 илјади евра. Ова укажува дека расте интересот за инвестирање во сместувачки капацитети во овој туристички бисер, кои последниве години стана мета за купување на слободна парцели за изградба на викендици или апартмани пред се заради атрактивноста на Дојран.
На денешното јавно наддавање за трите парцели со површина од 3 098, 3280 и 2 856 метри квадратни се пријавија голем број физички и правни лица а за првпат и странски инвеститори. На трите парцели кои беа наведени во Јавниот повик на општината се наменети за објекти кои треба да бидат со приземје и три ката односно околу половина од парцелите да бидат површина под градба. Почетната цена за метар квадратен на сите три парцели беше 523 денари но за дел од нив цените стасаа и над 2 000 денари за метар квадратен. Учесниците на јавното наддавање, ваквите цени ги образложуваат со ставот дека Дојран последниве години станува најинтересна дестинација за инвестирање од туристички аспект.
Согласно повикот најповолните понудувачи во рок од 15 дена од денот кога ќе год добијат решението дека се избрани, треба да ги уплатат средствата и да се стекнат со право на сопственост и во рок од година дена треба да подигнат одобрение за градба согласно Урбанистичкиот план за Карач и законската регулатива во земјава
Ова не е првпат општина Дојран самостојно да продава градежни парцели во државна сопственост откако го доби правот за управување со истото. Пред година и половина продаде 14 парцели за викендици. Во моментов според информациите таму се градат над десетина објекти со апартмани и викендици за сместување на гости и посетители кои од година во година се повеќе ги има покрај Дојранското езеро.
Анализирајки ги податоците од последниот попис може да се констатира дека Дојран бележи и градежна експанзија со евидентен пораст на бројот на расположивите станови. За последниве две децениии во ова општина борјот на становите се зголемил за 1031 што преставува раст од речиси 49 одсто .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
