Турција ќе даде поддршка за проекти од земјоделството и руралниот туризам, кажа амбасадорот Секизќок на средбата со Конзулов

112
Градоначалникот Герасим Конзулов денеска ги прими амбасадорот на Република Турција во земјава, Хасан Мехмет Секизќок и програмски координатор на Турската агенција за соработка и координација-ТИКА, Халим Омер Согут. На средбата се разговараше за соработката и актуелните проекти кои Општината ги реализира во населените места со доминантно турско население и идните планови за економски развој на руралните подрачја.
Градоначалникот Конзулов потенцираше дека тековно се работи на два проекти од големо значење и тоа изградба на патниот правец за поврзување на селата Прналија и Сопурѓе и проектот за обезбедување на питка вода за селата Бучим и Тополница со отварање на нови бунари и водовод.
Амбасадорот Секизќок изрази задоволство и благодарност за сите проекти кои имаат за цел да ги подобрат условите за живот како на турската заедницата така и на целокупното население во општината, додавајќи дека Република Турција е спремна да обезбеди поддршка за развојни проекти во областа на земјоделството и руралниот туризам.
И двете страни ги истакнаа традиционално добрите односи и историски врски кои ги поврзуваат Република  Македонија и Република Турција. Градоначалникот Конзулов упати благодарност за целокупната поддршка која Општината ја добива од пријателскиот народ на Република Турција со надеж дека во блиска иднина ќе се реализираат нови проекти.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.