Пожарот кој избувна во поранешен Декортекс во Радовиш е изгаснат соопштија радовишките пожарникари. Засега не се знаат причините како настанал пожарот кој зафати производствен погон, дел од машините и магацински простор каде имало лесно запаливи материи.
Во гаснењето на пожарот освен екипи од ТППЕ Радовиш учествувале и екипи од ТППЕ Струмица како и едно возило со пожарникари од ДПД Мантово од Конче.
„Сите пожарникари пожртвувано влегоа во просториите кои што беа во пламен, ризикувајки ги своите животи“, стои во објавата на ФБ Пожарна Радовиш
На 24.05.2026 во 20:08 часот во Полициската станица Радовиш е пријавено дека настанал пожар во една од халите на фабрика за текстил во Радовиш, во која биле сместени машини и репроматеријали. По интервенција на Територијалните противпожарни единици од Радовиш и Струмица пожарот бил изгаснат, а повредени лица нема. Известен е јавен обвинител од Основното јавно обвинителство Радовиш и инспектор за пожари. Извршен е увид од екипа на ОВР Радовиш.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
