Три пожари за еден ден – во Ново Село гореше куќа на иселеници во Швајцарија, во Миравци пилана а во Николиќ ниска шума

1310

Во последниве 24 часа во Југоистокот се регистрирани 3 пожари на кои увид извршиле екипи од СВР Струмица за да ги открие причините како настанале истите. Според информациите од полицијата вчера околу 19 часот било пријавено дека во с.Николиќ настанал  пожар при што горела сува трева и нискостеблеста шума. Во пожарот изгорела површина од 1,5 хектари. Пожарот бил изгаснат од Територијалната противпожарна единица Нов Дојран. Извршен бил увид на местото.

Денеска пак во раните утрински часови или конкретно околу 4 часот  било пријавено дека настанал пожар во пилана во с.Миравци. Пожарот е изгаснат од противпожарната единица во Гевгелија. Во пожарот целосно изгорела опремата, машини за производство, како и кровната конструкција. Засега не се знаат причини како настанал  пожарот заради што увид извршила екипа од СВР Струмица.

Утрово во  06.05 часот во СВР Струмица било пријавено дека настанал пожар во куќа во Ново Село, чии сопственици биле на привремена работа во Швајцарија. Во пожарот бил зафатен дел од кровната конструкција. Пожарот бил изгаснат од екипа на Територијалната противпожарна единица Струмица и таму е извршен увидП

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.