Општина Струмица објави дека се забранува за употреба водата за пиење во Рич Попчево, Белотино и Вељуса од тамошните водоснабдителни системи. Како што стои во објавата решението го донела Агенцијата за храна и ветеринарство врз основа на извршен вонреден инспекциски надзор, при кој било утврдено отсуство на резидуален хлор и присуство на бактерии – индикатори на фекално загадување.
„Забраната се однесува на користењето на водата за пиење, како и на нејзината употреба како суровина или како вода што доаѓа во контакт со храна во објектите во кои се подготвува, послужува и се врши промет на храна. Мерката важи и за сите јавни установи во овие населени места“, се наведува во објавата на Општина Струмица
Од Општина Струмица апелираат до жителите на Рич, Попчево, Белотино и Вељуса да не ја користат водата за пиење сè до ново известување со кое ќе биде потврдена нејзината исправност.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
