ФК ,,Зрински’’ од Мостар веќе пријави експедиција од 23 фудбалери за мечот со струмичката ,,Академија Пандев’’ во Скопје на 11 јули на Арената ,,Тодор Проески’’ за првото квалификациско коло од Лигата на Европа. Тимот го предводи искусниот стратег Хари Вукас кој за Академијата на Горан Пандев истакна дека е амбициозна екипа составена од млади но и искусни играчи
Зрински настапува во Босанската Премиер Лига каде шест пати ја има освоено Шампионската титула и тоа во 2005, 2009, 2014, 2016, 2017 и 2018 година а пред единаесет години го имат и освоено КУПОТ на Босна. Имаат верни навивачи Ултрас. и стадион со капацитет од 25 илјади посетители.
На европската сцена дебитираат во 2000 година и тоа во Интертото Купот каде играат со шведскиот состав Вастра Фрелунда. Со тек на годините Зрински носи звучни имиња меѓу кои и Лука Модрич а со освоените титули во Босна настапува и во квалификациите на Лигата на Шампионите и во Купот на УЕФА. Како противнци им биле тимовите Дуделанж, Макаби, Партизан, Вадуз, Работнички, Слован, Тобол , Тре бене, Марибор, Легија, Лудогорец, Валета, Спартак…..Највисок дострел е третото квалификациско коло и во Лигата на Европа и во Лигата на Шампиони
Последната натпреварувачка сезона Зрински беше втор во босанското првенство со 65 бода односо 19 победи 8 нерешени исходи и 6 порази а во Купот беа елиминирани од Сараево во четвртфиналето .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
