ЈП Паркиралишта од Струмица има распишано јавен оглас за избор на фирма која ќе врши изградба на улично осветлување во населбата Карпош. Според огласот станува збор за три улици во оваа населба и тоа “Мајка Тереза“, „Атанас Јанев“ и “Тоше Проески“. Како што стои во тендерската документација се работи за поедноставна отворена постапка а економскиот оператор Договорот ќе го добие според критериумот најниска цена. Работите на терен треба да бидат извршени во рок од 12 месеци стои во тендерот.
Согласно техничката спецификација, на овие три улици треба да бидат поставени односно монтирани 30 електрични столбови. Од истите по 12 треба да се постават на улиците „Тоше Проески“ и „Атанас Јанев“ додека на Мајката Тереза – 6 столба со лед светилки. Економските оператори односно заинтересираните фирми треба да достават понуди со цени за земјените, бетонските работи како и електромнотажата на лед светилките со испитни атести.
Доставувањето на понудите е до 18 ти овој месец во ЈП Паркиралиша по што ќе следи отворање на истите и изборот на економски оператор кој ќе пристапи на поставување улично осветлување на три улици во наслебата Карпош. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
