Со вчерашните нови 80 позитивни од ковид-19 во Струмица, овој регион и понатаму е на втората позиција во државата со најмногу активни случаи на заболени од овој вирус. Според податоците од Институтот за јавно здравје што ги ажурира на дневна основа на заболени, починати и излекувани во моментов во Струмичко има 553 активни случаи со ковид-19 веднаш зад Скопје каде има еведентирано 4584 а трет е тетовскиот регион со 547 активни случаи.
Во Струмица од почетокот на пандемијата заклучно со вчера регистрирани се 956 заболени од коронавирусот, 25 лица починале од компликации предизвикани од овој вирус а се излекувале 378 пациенти.
Во Гевгелија и регионот досега се евидентирани 399 заразени со ковид-19, 6 лица починале а 201 оздравеле. Во моментов во овој регион има 192 активни случаи од кои 19 се од општина Дојран а 66 од општина Богданци.
Во Радовиш досега има евидентирано 239 заболени лица, 9 починати, 147 излекувани и 83 активни случаи додека во Валандово според Институтот за јавно здравје досега заболеле 108 лица, 66 оздравеле а 42 се активни
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
