Амбасадорот Самуел Жбогар присуствуваше на презентирањето на муралите изработени на бетонските површини на Пречистителната станица за отпадни води во Струмица. Муралите, изработени од 5 македонски уметници, се приказна за важноста на животната средина и значењето на водата како природен ресурс.
Станува збор за проектот „Уметност и вода – магија на животот“ што го имплементираше “Здружение за третман на води на Северна Македонија”, а финансиран од Европската Унија. Евроамбасадорот Жбогар истакна дека со обоените ѕидови на пречистителната станица се испраќа силна приказна до сите
,,Овие прекрасни илустрации покажуваат што прави фабриката и колку е важно да ја одржуваме околината чиста. Од се срце сака да им се заблагодарам на петте извонредни уметници, кои ни помогнаа да ја раскажеме оваа приказна’’, истакна евроамбасадорот Жбогар
Муралите и илустрациите ги создадоа уметниците Ване Костуранов, Драган-Драш Китановски, Марјан Димиќ, Филип Конески и Блаже Атанасков а на денешниот ден учениците од основни училишта од Струмица изложија свои цртежи на ликовна колонија во Пречистителната станица насловена „Нацртај ја водата“, кои ги создадоа по повод Светскиот ден на водата 20 март.
Градоначалникот на Струмица, Коста Јаневски потенцираше дека општината е горда на Пречистителната станица, која е изградена со средства од ИПА фондовите и во согласност со регулативите на Европската Унија и е прва во државата, со која што општина Струмица го решава проблемот со отпадните води.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
