Градоначалникот Коста Јаневски ги потпиша договорите за двата нови проекта што општина Струмица ги доби од Програмата за прекугранична соработка помеѓу Република Бугарија и Република Северна Македонија. Едниот проект се однесува за подобрување на туристичката инфраструкутра околу манастирот Св Леонтиј во Водоча а вториот за зајакнување на капацитетите на ТППЕ Струмица
Како што информираа од општина Струмица, со проектот ,,Струмица – Ќустендил’’ ќе се подобрува туристичката инфраструктура во околината на манастирот „Свети Леонтиј“ во село Водоча. Конкретно планирано е уредување на пристапни патеки од реден камен, чистење и хортикултурно уредување на просторот, заштитни зидови и огради на река Водочница, одмаралиште со најсовремена урбана опрема за посетителите и други активности.
Со втроиот проект ,,Петрич – Струмица’’ ќе се подобри институционалната подготвеност на Терторијалната противпожарна единица при општина Струмица за заштита и спречување на природни непогоди и катастрофи преку набавка на современо повеќенаменско возило за реакција при пожари и поплави.
Струмица е единствената македонска општина која доби два проекта од оваа програма во вкупна вредност од околу 450.000 евра.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
