Добри времиња доаѓаат за општина Конче – на секое поле се работи, кажа градоначалникот Илиев за празникот на општината

1997

Конче полека прераснува во вистинска општина како сервис на граѓаните. Вака кажа градоначалникот на ова општина Благој Илиев на денешната свечена седница по повод празникот на ова локална самоуправа Петровден. Во присуство на голем број на гости, првиот човек на ова најмала општина во Југоистокот, подвлече дека ликот и мислењето за Конче полека се менува, споменувајки ги проектите кои се реализираат во интерес на граѓаните од сите населени места.

,,Добри времиња доѓаат за општина Конче која полека го менува својот лик на подобро. Веќе ова година ќе почне да работи првата детска градинка во општината, почна да се гради првата спортска сала. Годинава треба да се реализираат 15 улици, изградба на локален пат Лубница – Скоруша и реконструкција на сите патишта од раскрсницата Лакавица до езеро Мантово и до Горни Липовик. Имаме над 30 технички документации за исто толку проекти за добивање грантови. Носиме урбанистички планови како основ за привлекување на инвестции,, кажа Илиев кој смета дека со реализацијата на ,,Боров дол’’ ќе има нови вработувања но и дополнителен извор на финансики средства за општината

Ова мала локална самопурава интензивно работи и на привлекување на средства од меѓународни фондови. Како што кажа Илиев досега се искористени околу половина милион евра од ЕУ и ИПА фондовите а постојано се корисници на средства и од националните програми наменети за развој на општините

Градоначалникот Илиев во име на општината додели признанија и благодарници на повеќе правни и физички лица за соработката а пред  присутните гости, свои настапи имаа и фолклорни ансамбли од општина Конче.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.