Собрани околу 70 вреќи отпад во акцијата „Чисти ридови за сите“ од повеќе локации над Струмица (фото)

1085

Околу 60 тина граѓански активисти се вклучија во акцијата ,,Чисти ридови за сите“ што ја иницираше и реализираше ВК Актив од Струмица на потегот од лозињата па се до стрелиштето Мегдан над Чам чифилик. Преставници од велосипедскиот клуб, Црвениот крст, здруженијата Новус, Повик на дивината, планинарско друштво “Еделвајс”, здружение “Контекст”, Општина Струмица како и граѓани-љубители на природата  учествуваа во собирањето на отпадот фрлен од несовесни граѓани.

Борко Преметаров од ВК Актив ни изјави дека наполниле околу 70 ќеси со оптад претежно пластични шишиња од сокчиња, лименки од пива и енергетски пијалоци како и амбалажа од кроасани, чоколади,

,,Забележуваме дека од година во година како што расте ова акција така се намалува отпадот над градот. Не радува фактот што потикнавме голем број граѓани, организации, клубови, училишта самоиницијативно одлучуваат да го чистат пределот над Струмица се во интерес на поздрава животна средина. Сметам дека колку што сме поистрајни и поупорни во борбата за чиста околина така се повеќе се будат и институциите“, вели Борко Преметаров од ВК Актив

Пораката што ја упатија граѓанските активисти од ова акција е да се чуваат белите дробови на Струмица и секој што излегува и престојува над градот да не фрла отпад .(В.Трајков)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.