Планинари од Струмица, Гевгелија, Валандово и од Бугарија се искачија на врвот посветен на Борис Трајковски на Беласица

2973

50 тина планинари од Струмица, Валандово, Гевгелија но и од Петрич и Софија од сосена Бугарија се искачија на врвот Ботра висок 1880 метри на планината Беласица посветен на трагично загинатиот претседател Борис Трајковски. Станува збор за 15 тиот меморијален планинарски марш кој го организира Планинарскиот клуб ,,Ентузијаст”  од Струмица во чест на Трајковски кој ги сакаше спортовите и планините.

Како што не информираше Никола Ристов од ,,Ентузијаст’’ на маршот учествувале повеќе планинари кои искачувањето го направиле во две фази. Во првата фаза се искачувале до Шарена чешма а следниот ден до врвот Ботра. Искачувањето Од Шарена чешма го почнале само оние кои физички биле подготвени и почнало околу 7 часот наутро а на врвот стасале околу 10,30 минути каде се дружеле со планинарите од Бугарија и каде ги развиорија македонското и бугарското знаме.

Целиот планинарски марш до врвот Ботра и назад  изнесува околу 35 километри со кој планинарите од Ентузијаст  од Струмица но и од Гевгелија, Валандово но и сод соседна Бугарија упатуваат порака за мир соживот и почитување на ликот и делото на Борис Трајковски.

Утре се навршуваат 16 години од авионската несреќа кај Мостар Босна каде загина претседателот Борис Трајковски и екипажот со кој патуваше. Утре неговото вечно почивалиште ќе го посетат и ќе му оддадат почит и планинарите кои во саботата од Струмица тргнаа пеш до Скопје

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.