Општина Струмица набавува специјализирано комунално возило за собирање на смет во вредност од 90 илјади евра

372

Општина Струмица при крајот на минатиот месец распиша јавна набавка на едно специјализирано комунално возило за собирање на смет за своите потреби,  за што има обезбедено 5, 5 милиони денари или околу 90 илјади евра од Министерството за локална самоуправа – Биро за регионален развој. Според објавениот оглас, тендерот ќе трае до 27 април до кога заинтересираните економски оператори може да достават понуди и да бидат дел од електронската аукција.

Станува збор за специјализирано комунално возило за собирање смет минимум 16 метри кубни, со моќност на моторот од минимум 180 kw. Истото да биде на дизел гориво и да го исполнува минимум Еуро 6 стандардот. Меѓу другите услови се бара возилото во надградбата да има инсталиран систем за подигање и празнење на кантите за отпадоци со зафатннина од 1,1 кубен метар и 120 и 240 литарски  пластични кати- стои во техничката спецификација за јавната набавка.

Општина Струмица во декември минатата година објави дека ЈПКД Комуналец  набави пет половини возила за собирање на комуналиот отпад  со кои се очекува значително да се подобрат комуналните услуги кон граѓаните но и да се обезбеди поефикасно собирање на  комуналниот отпад. Половните возилата од марките мерцедес, ман, ивеко и исузу кои беа со различни зафатнини, беа набавени од струшката фирма  ,,Аљуша Ариф Авто Декор’’ по распишана јавна набавка од струмичкото комунлано претпријаите а истите возила беа набавени за  115 илјади евра или 7 милиони и 74 илјади денари .

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.