Општина Дојран ќе добие 20 електрични велосипеди – ќе се организираат планински вело тури

1421

Преку Центарот за развој на Југоисточниот плански регион во Дојран во наредниот период треба да бидат доставени 20 електрични велосипеди. Освен електрични велосипеди согласно потпишаниот Договор меѓу Центарот и А1 Македонија во ова туристичко место се очекува да биде поставен и паметен полнач за електрични автомобили со соодветен софтвер, градски информативни ЛЦД табли  како и инсталација на безжична опрема за wireless хот спот интернет конекција. Целиот проект чини околу 87 илјади евра.

Што се однесува до велосипедите, според техничката спецификација тие треба да бидат електричен mount bike 26“-28“ со пет брзини и да може со едно полнење да се поминат минимум 45 километри при што истите треба да развиваат до 32 километри на час со предно и задно осветлување. Велосипедите ќе бидат поврзани со софтвер како услуга за контрола и управување со бравите за заклучување на велосипедите, кои може да се следат во реално време, преглед на начинот на користење, однесувањето на корисникот во однос на движење со векосипед и технологија која овозможува контрола каде корисниците можат да ги паркираат.

За таа цел изминатиот периодо пштината, вршеше машинско порамнување на постојната траса но и пробивање нова долж фронтовата линија од Првата светска војна над Дојран. Патеката ќе биде во должина од 16 километри со соодветни патокази, клупи за одмор, летниковци.

,,  Благодарение на овој проект, во Општина Дојран, освен класичниот езерски туризам ќе се развиваат и алтернативни форми на туризмот како што е off road велосипедизмот, за што ние како општина особено се залагаме. Со оваа инвестиција ќе имаме зголемен број на активности, ќе се организираат рекреативни тури, како и спортски натпревари кои во иднина ќе придонесат голем број на вљубеници на велосипедизмот да се приближат кон природата, да рекреираат, но и подобро да ги запознаат природните убавини и богатата историја која ја нуди на нашиот Дојран. ,, информираше градоначалникот на Дојран Анго Ангов

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.