Општина Босилово постави билборди и со акција апелира ,,Намали ја брзината, за твоја и наша безбедност’’

559

На иницијатива на општина Босилово а во коордiнација на СВР Струмица се реализираше кампања со превентивна акција за одговорно возење од страна на учесниците во сообраќајот по патиштата и улиците во ова општина. Целата кампања е со порака и апел ,, Намали ја брзината, за твоја и наша безбедност’’ за што денеска се делеа флаери на учесниците во сообраќајот а на неколку фрекфентни сообраќајници беа поставени билборди со иста содржина.

,,Брзото возење изнудува грешки кои најчесто завршуваат фатално. Затоа апелираме до сите учесници во сообраќајот да ја намалат брзината бидејки се работи за здравјето и животот на секој од нас,, објави градоначалникот Ристо Манчев

Инаку вчера во периодот од 06.00 до 10.00 часот на подрачјето на СВР Струмица била спроведена акциска контрола за санкционирање на возачи кои управуваат возила со брзина поголема од пропишаната. Притоа, биле санкционирани 22 возачи, од кои 11 на подрачјето на Радовиш, 5 на подрачје на Струмица, 4 на подрачје на Валандово и 2 на подрачје на Гевгелија. Од нив, 17 ја пречекориле брзината надвор од населено место, а 5 во населено место.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.