Министерството за земјоделство, шумарство и водостопанство објави пет Јавни повици за доставување на понуди за давање во закуп на земјоделско земјиште во државна сопственост при што има парцели и во Југоистокот односно во регионите на Струмица, Радовиш, Валандово и Гевгелија со нивните катастарски општини
Првиот Јавен повик се однесува за доставување на понуди за давање во закуп на земјоделско земјиште во државна сопственост над 3 хектари. Додека пак другите четири Јавни повици се однесуваат за доставување на понуди за давање во закуп на земјоделско земјиште во државна сопственост до 3 хектари за различни региони и катастарски општини.
Според објавените јавни повици највисока цена за издавање под закуп државно земјоделско земјиште на годишно ниво има во регионот на Валандово. Таму почетната цена за хектар изнесува 22 289 денари. Во зависност од заинтересираноста, цената може да порасне. Пото следува регионот на Гевгелија каде годишната закупнина е 13 400 денари. Во регионот на Струмица закупнината на годишно ниво на парцелите што ќе се дадат или најнискиот износ на годишна закупнина по хектар изнесува 10 576 денари додека во регионот на Радовиш 4 772 денари по хектар.
Јавните повици се објавени и на веб страницата на MЗШВ.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
