Може да го изненадиме Зрински иако е фаворит, кажа Горан Пандев кој посака во Скопје неговиот тим да не прими гол (фото)

1093

Горан Пандев им посака успех на фудбалерите на Академијата кои во четврток дебитираат на Европската сцена против Зрински од Босна. Тој на мини состанокот со играчите на неговиот стадион во Струмица го изрази своето задоволство што ова екипа направи голем успех сезонава и дека верува во нив за мечот во четврток. За жал тој нема да биде во Скопје, но им кажа дека иако Зрински е фаворит не мора да значи дека тимот на Академијата нема сили и потенцијал да направи изненадување.

,, Зрински е голема екипа со огромен буџет и големо искуство на евросцената како Шампиони на Босна, но тоа не треба да значи ништо. Нашите момци се подготвени. Не мора да значи дека они се фаворити и дека не можеме да ги изненадиме. Треба во Скопје да одиграме меч без примен гол, оти реваншот ќе одлучува. Се надевам на еден добар натпревар,, вели за Дрнка МК Горан Пандев

Академија Пандев беше на подготовки во Банско Бугарија каде одигра неколку контролни средби пред настапот на евро сцената. Смета дека тимот составен од 70 одсто играчи на Академијата може да испишат и историја ако го поминат Зрински, бидејки во второто квалификациско коло треба да играт со Утрехт од Холандија

,, Сигурно Утрехт е императив, но треба да се сконцентрираме на Зрински. Имаме добра екипа и затоа не се засиливме. Имам доверба во ова екипа и сакаме да им дадеме шанса на овие играчи кои долго време се заедно. Се надеваме дека може да ги изненадиме Зрински и да одиграме еден историски натпревар против Утрехт, бидејки тој е императив за многу екипи во земјава,, одговори за Дрнка.МК Горан Пандев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.