Струмичка Беласица му се реваншираше на Кожув за поразот пред своја публика од пред два месеци на стадионот Младост. Во Гевгелија момците на стратегот Ване Милков славеа со 2:1 со што ја прокнижаа 10 тата победа во Втората лига Исток со која се зацврстија на лидерското место и зголемувајки ја предноста пред останатите второлигаши од источното друштво.
Фудбалерите на Кожув одлично го почнаа мечот . Во 7 минута преку Трајчевски го отворија резултатот но три минути подоцна Рамзоски израмни на 1:1. До крајот на првото полувреме двата тима се надмудруваа но и го чуваа резултатот. Во вторите 45 минути Беласица беше поконкретна. Тоа резултаираше со гол од Марков во 63 минута. Кожува имаше неколку шанси за израмнување но не ги искористи
Беласица сега има 31 бод. Со овој трети пораз Кожув падна на 5 тата позиција со 26 бода. Освен овие два тима во врвот се и Брегалница од Штип и Тиквеш од Кавадарци заедно со Кит Го од Пехчево.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
