Министерот Димковски се заложи за партнерски однос и прифатлива откупна цена за вишните и за производителите и за откупувачите

1305

Mинистерот за земјоделство, шумарство и водостопанство Трајан Димковски ja посети  Општина Василево и оствари средба со градоначалникот Марјан Јанев но и со производители и со откупувачите и преработувачи на вишни, со цел да се градат партнерски односи кога станува збор за пласманот на производството на вишни чиј род стаса и деновие се очекува да се интензивира бербата.

На средбата како што соопшти МЗШВ, министерот се разговарало околу предлозите на земјоделците производители на вишни за начинот на годинешниот откуп на вишни и за откупната цена.

Како што дознаваме производителите заради коронакризата побарале прифатлива откупна цена со која би ги покриле трошоците за годинашнава сезона, но таа да не биде под 24 денари со оглед дека 30% од цената ќе оди за сезонски работници кои вршат берба, имајки во предвид дека откупувачите и преработувачите во моментов нудаат цена за втора класа.

Министерот Димковски како што дознаваме се заложил да има непречен откуп на вишни за што ветил дека ќе организира и заедничка средба со земјоделците и откупувачите за да се најде заеднички прифатлива цена кој би била во функција и на двете страни, бидејки во услови на пандемија и производителите и откупувачите и преработувачите имаат проблеми со пласманот .

,,Mинистерот ги информираше земјоделците и за новиот Правилник за флексибилност за растително производство, кој што овзможува продажба на прерaботки од земјоделски производи од куќен праг како и за сите мерки кои ги превзема МЗШВ за справување со последиците од КОВИД – 19 врз земјоделството, како што е зголемувањето на процентот на покривање на трошоците за набавка на зелена нафта од 30% на 50%. Исто така, министерот Димковски ги информираше земјоделците за обезбедената поддршка од 10.000 евра за старт ап семејни бизниси како и за други мерки од доменот на работење на МЗШВ,, стои во соопштението од ова министерство.

Заедничкиот заклучок од денешните средби е дека земјоделците и откупувачите, мора да градат партнерски однос, што е важно за стабилен пласман на земјоделските производи. МЗШВ и во следниот период ќе креира мерки за поддршка на примарното производство и на преработувачката индустрија, како две клучни алки за одржливо земјоделско производство.

Министерот Трајан Димковски денеска оствари средба и со сопствениците на фабриката  “Фруктана”, која откупува и преработува вишни, друго овошје и зеленчук

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.