Босилово има најголема заштеда на електрична енергија од општините во Југоистокот во месец октомври споредено со истиот месец од минатата година. Вака покажува анализата на Министерството за економија кое ги објави податоците колку државниот сектор штеди електрична енергија согласно препораките од Владата за примена на мерки за штедење заради енергетската криза. Општина Босилово заштедила дури 46 % електрична енергија минатиот месец, во споредба со Октомври 2021.
Втора на листата е Општина Василево која во Октомври ова година во однос на истиот месец од минатата година направила заштеда од 39% додека трета е општина Гевгелија со 34 % заштеда. Потоа следуваат општините Ново Село, Богданци, Конче, Валандово. Струмица и Радовиш се општините кои имат остварно најмалку заштеда во киловатчасови спроедено Октомври 2021- Октомври 2022. Потрошувачката на Општина Струмица е намалена за 12% додека во општина Радовиш потрошувачката на електрична енергија е 14 %.
Податоците за заштеда на електрична енергија кај општините кои имаа препорака да штедат, покажуваат дека од 81 општина, 65 општини постигнале заштеда од најмалку 15 отсто, од кои 12 општини постигнале заштеда поголема од 50 отсто. Вкупно 16 општини не постигнале заштеда од 15 отсто, од кои само три имаат поголема потрошувачка во октомври 2022, споредено со октомври 2021 година. Станува збор за Арачиново со зголемување од 474%, Студеничани со 11% и Лозово со 12 отсто. Останатите 13 општини имаат намалена потрошувачка, но не постигнале заштеда од 15 отсто.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
