Околу 5000 парчиња багрем иаризонски чемперс се очекува да бидат засадени на локалитетот „Топлик“ кај Гевгелија во еко акцијата што општина Гевгелија ќе ја спроведе во соработка со Комуналец, шумското Кожуц и Црвен крст Гевгелија. Акцијата ќе се реализира под мотото ,, Да пуштиме корени во Гевгелија“ на која се очекува да се вклучат граѓани, ученици, преставници од НВО секторот како и од споменатите институции.
,,Изминатите години како резултат на преголемата суша беа предизвикани огромни пожари на територијата на Гевгелија заради што имаме намалување на дрвната маса. Од таа причина, а водејќи се од обврската за грижа кон животната средина, дојдовме до идеја за организација на една општествено значајна иницијатива за масовно пошумување.“, кажа градоначалникот Андон Сарамандов
За успешна реализација на еко-акцијата и утврдување на деталите, се одржа координативен состанок помеѓу претставници на институциите и НВО-секторот, со цел ангажман на заедницата и вклучување на населението во заедничката акција и волонтирањето. Збирното место е пред ТППЕ- Гевгелија, од 7:00 часот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
