За четири села во општина Ново Село ќе се изработува проектна документација за изградба на водоводи

781

Општина Ново Село преку Бирото за  регионален рамномерен развој ќе изработува  техничка проектна документација за изградба на водоснабдителни системи во четири населени места. Станува збор за проекти кои се аплицирани минатата година а кои Бирото ги одобри и додели 10 илјади евра за таа намена. Станува збор за проекти кои се однесуваат за развој на подрачја со специфични развојни потреби и развој на села во рурални средини.

Општинските власти на Ново Село лани аплицирале Бирото за регионален развој финасиски да помогне за изработка на проектна документација за изградба на водоснабдителни системи во  Ново Коњарево и Смоларе и Мокрино и Мокриево како прв чекор при отпочнување на постапката за изградба на нови системи

,, Со изработката на техничката и проектната документација се отвара можноста општината веќе да размислува но и да аплицира за обезбедување средства за реализација на овие проекти.Станува збор за проекти аплицирани од лани а ова година Ново Село аплицираше за санација на спортската сала Христо Татарчев и изработка на техничка докуметнација на ниво на основни проекти за изведба на улици во општината,, кажа директорот на Бирото за регионален развој Рамиз Реџепи кој оствари средба со ВД градоначалникот на Ново Село Горан Цветков

На средбата беше присутна и Мима Станоевска од Центарот за развој на Југоисточниот плански регион која информираше дека за ова општина преку Центарот аплициран е проект за обезбедување средства за дозавршување на патот Зубово – Мокриево трета фаза

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.