Започна асфалтирањето на последните 1700 метри од патот Чанаклија Нова Маала во општина Василево

505

Првиот човек на Василево Марјан Јанев објави дека започна асфалтирањето на локалниот пат Чанаклија – Нова Маала во должина од 1 700 метри. Станува збор за делница со која комплетно ќе се заокружи овој патен правец кој се асфалтираше во етапи. Според Јанев деновиве треба да се заокружи целосно овој четири километарски локален пат а со тоа и поврзувањето со асфалт на жителите од овие две населени места.

,,Изградбата на локалниот пат беше пролонгирана заради избор на нов изведувач односно градежна компанија и состојбата со Covid-19. Со изградбата на овие патишта општина Василево го подобрува квалитетот на условите за живот на своите сограѓани’’, објави градоначалникот Јанев кој подвлече дека вкупниот буџет за изградба на овој локален пат изнесува околу 15 000 000 денари и истите се обезбедени од АФПЗРР.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.