„Само 4 дена важеше договорот за пиперката, а еве веќе наредни 5 дена пиперот во струмичко се откупува по 25 денари килограм, за “честитка” од фабриките имаме веќе најавено и нови пониски цени за од понеделник“. Вака објавија од Здруженито „Млади Муртино“ на својата ФБ СТРАНА кои за во вторник најавуваат земјоделски собир и блокада пред Министерството за земјоделство во Струмица со барање да се спроведува договореното. Во својот ФБ статус тие наведуваат дека цели пет дена го информираат министерот за земјоделство Борче Серафимовски за состојбите, но реакција нема.
„5 дена се воздржуваме од јавни објави и сме во контакт со министерот за земјоделие Борче Серафимовски – медијаторот на овој договор. Од наша страна состојбата од терен е навремено пријавена во повеќе наврати со цел да може да се интервенира навремено, настојувајки да бидеме коректни и проблемите да ги решаваме преку дијалог, но за жал ништо од тоа, на терен договорот не се почитува, а не гледаме ни некои сериозни заложби во таа насока“, наведуват во својот ФБ статус „Млади Муртино“ кои организираа повеќе протести и блокади овој месец.
Тие тврдат дека се чуствуваат изманипулирани оти министерот Серафимовски јавно кажа дека цената од 30 денари ќе трае до крајот на сезоната. Порачаа да не се потценува раката која храни
„Земјоделецот е турнат во организирана хајка од неколку фабрики (“џелати”) која му ја одредуваат судбината, додека државата и институциите стојат како нем посматрач глумејки немоќ, без да активираат/создадат никаков соодветен механизам да го заштитат земјоделецот – луѓето кои ја хранат оваа држава. -Дно! Се чуствуваме изманипулирани, потценети и изреволтирани, чуствуваме како главната цел на медијаторите наши да беше само да се затиши гласот на земјоделецот и потоа се да продолжи по старо. Не ја потценувајте нашата интелигенција, не ја потценувајте раката која ве храни!“, стои во реакцијата на Млади Муртино
Сите информации за и околу протестите на струмичките земјоделци, договорот и реакциите – може да видете и прочитате ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
