Место за 25 од утре на откупните пунктови во Струмица, црвените пиперки за конзервно преработувачките капацитети ќе се откупува за 30 денари по килограм. Ваков договор се постигна откако изминативе денови земјдоелците контуинирано протестираа а министерот за земјоделство Борче Серафимовски имаше одделни средби со земјоделците, откупувачите и фабрикантите
,,Од утре па натаму црвените пиперки ќе се откупуваат за прва класа по цена од 40 денари, прва – втора и за индустриските капацитети за 30 денари, додека за втора класа цената ќе биде 15 денари. Апелирам и до откупувачите и земјоделците да имаат вистинска класификација на црвените пиперки на откупните пунктови а не да се враќа производството. За да се избегне можната манипулација од утре ќе се засилат контролите на Државниот земјоделски инспекторат“, потенцираше министерот за земјоделство Борче Серафимовски
Земјоделците од струмичко изразија задоволство од зголемената цена. Сметаат дека со дијалог може да се најде заеднички јазик.
,,Може и повеќе, но и овие цени се реалност. Се надевам дека ќе се задржат истите до крајот на зесоната и дека на откупните пунктови нема да има манипулации во однос на класификацијата на квалитетот оти самите откупувачи си прават сортирање на штета на земјоделецот“ кажа Илија Василев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
