Пожарникарите од ТППЕ Струмица на својата ФБ страна соопштија дека Струмица се соочила со еден од од најсериозните и најопасни пожари во овој период, бидејки заради сувата вегетација, естремно високите температури, силниот врел и променлив ветар, огнот се ширел во повеќе правци.
„Од самиот почеток, пожарникарите-спасители од ТППЕ Струмица беа на терен со сите расположливи сили. Огнот беше запрен пред првите куќи во Водоча и Баница а во критичните моменти пожарот се доближи и до куќите и објектите во Софилар. Поради сериозноста и непосредната опасност по животите на луѓето беше наредена евакуација на месното население“, објавија на својата ФБ страна.
Во борбата со огнената стихија во месноста Софилар како што објавија струмичките пожарникари се приклучиле и нивните колеги од ТППЕ Радовиш и Валандово како и доброволните друштва од Струмица, Василево, Мантово Конче, Кобри од Злеово, Кочани и Пехчево. Од институциите свои екипи имало од ДЗС со авионот, ЈПКД Комуналец со цистерни и механизација како и СВР Струмица со полицијата која овозможувала ред . Паралелно упатија благодарност и до струмичани и првиот човек на Општината Петар Јанков
„Благодарност до сите кои денес беа со нас! Ова е уште една потврда дека кога пожарот е голем, условите се тешки, а огнот непредвидлив – само заедничката, брза и координирана реакција може да го спречи најлошото. Пожарникари-Струмица еден час пред избувнувањето на пожарот повторно објавија екстремна опасност од избувнување на пожари, која за жал не допира до некои наши граѓани.
Еден тим, Една цел. Заштита на луѓето и нивниот имот“, стои во нивната објава
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
