Драматично намалена бројката на жители во Југоистокот – за две децении дури 23 илјади помалку (преглед по општини)

1372

Ако пред 20 години во Југоистокот имало  171 416 граѓани, со последниот попис во 10 те општини од овој дел на државата има околу 23 029 помалку – конкретно 148 387 граѓани. Ова значи дека за две децении бројката на населението во Југоистокот е намалена за 13,4 % или за приближно колку шти има општина Радовиш.

Намалување на бројот на жители има во сите општини но најмногу во пограничната општина Ново Село каде населението е намалено за речиси 40 %. Таму пред 20 години се воделе 11 567 жители, а сега има само 6 972 граѓани. Изразен пад на вкупното население има и во општина Конче и тоа за 23 проценти. Во ова општина во 2002 биле попишани 3 536  а лани 2 725 граѓани. Во општина Босилово бројката на жители е намалена за 19, 3%. Пред две децении таму имало 14 260 а сега 11 508 граѓани.  Во општина Богданци 2002 биле попишани 8 707 а сега 7 339 граѓани што за 15, 8% помалку.

Во општина Радовиш бројката на население е намалена за 14,6%. 2002 година попишани биле 28 244 а лани 24 122 граѓани. Пад на населението има и во општина  Василево за 13%. Пред две децении биле попишани 12 122 а со поледниот попис  ова општина им а 10 952 граѓани. Во општина Валандово, 2002 та имало 11 890 а сега 10 508 граѓани што е намалување за 11,7 %, додека во општина Дојран вкупниот број на жители е намален за 10 %. Пред 20 години во ова туристичка општина имало 3 426 а сега 3 084 граѓани

Намален број на жители има и во општина Струмица. Пред две децении имало 54 676 а сега 49 995 жители што е пад на вкупното население за 8,6 % додека во општина Гевгелија има најмал пад на вкупната бројка на население. Во 2002 таму се воделе  22 988  додека со последниот попис се  евидентирани 21 582 жители што е за 6,2 % помалку.

извор Државен завод за статистика Попис 2002

Извор: Државен завод за статистика Попис 2021

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.