Средствата кои Општина Василево ќе ги добие од Швајцарската влада, УНДП и Министерството за Локална самоуправа од околу 50 илјади евра во кои ќе партиципира и општината, да се насочат кон заштита на животната средина. Вака одлучија пристуните граѓани од Општина Василево на првата форумска сесија во рамките на проектот„Зајакнување на општинските совети-фаза 2“. Од страна на општината им беа понудени три програми но присутните одлучија како прироритетна да биде заштитата на животната средина за што лоцираа проблеми но и понудија решенија.
Набавка на дополнителни садови за отпад, негова селекција, набавка на возило за собирање и транспорт на отпадот, опрема за одржување на комуналната чистота, јавните зелени површини, подигнување на еколошката свест, решавање на проблемот со дивите депонии, повеќе канализациони мрежи, чиста вода беа решенијата што ги предложија присутните на првата форумска сесија. Во наредниот период ќе произлезат проектни идеи/концепти за предлог проекти за кои ќе гласат самите жители за да се одлучи на кој да се потрошат парите.
,,Како дел од проектот за зајакнување на општинските совети, ова е одлична алатка за успешно вклучување на граѓаните во процесот на дефинирање на проблемите и донесување одлуки со директно влијание на промените. Директното вклучување на граѓаните во донесувањето на одлуки за развој и финансирање проекти е дел од стратегијата за подобрување на транспарентноста на општинската администрација,, објави градоначалникот на Василево – Славе Андонов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
