Деновиве почнаа градежните активности за реконструкција на четири улици во Богданци но и реконструкција на тротоар на улица во населеното место Стојаково. Како што објавија на својата веб страна општинските власти, ќе се реконструираат улиците Луда Мара, Осоговски, Братство Единство и Васил Главинов во Богданци а на улицата Гоне Каракабаков во Стојаков ќе има реконструкција на тротоар.
Станува збор за градежни зафати во рамките на годинашнава програма за изградба, реконструкција, одржување и заштита на локални патишта и улици. Изведувач на работите е гевгелиската Алфа проект која го доби тендерот на распишаниот оглас за овие улици во износ од 115 илјади или 7.102,894,00 денари. Целосно завршување на активностите се очекува за два месеци согласно условите предвидени во договорот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
